FIRE PROTECTION SYSTEM (မီးဘေးကာကွယ်ရေးစနစ်) - အပိုင်း (၁)

Fire Protection system အကြောင်းကို စမပြောခင် မီးဘယ်လိုဖြစ်လာတယ်ဆိုတာနဲ့ ဘယ်လို နည်းနဲ့ မီးသတ်လဲဆိုတာကို Fire Triangle နဲ့အနည်းငယ်မိတ်ဆက်ထားပါရစေ။ 

Fire Triangle

မီးလောင်မှုကို ဖြစ်စေတဲ့ အဓိက အခြေခံ သုံးခု ကတော့ Fuel (လောင်စာ), Oxygen (အောက်ဆီဂျင်လေ) နဲ့ Heat (အပူ) တိုပဲဖြစ်ပါတယ်။ အဲဒီ ၃ ထဲမှာ Chemical Reaction ထည့်ပေါင်းပြီး Fire Tetrahedron လို့လဲ အများက သတ်မှတ်ထားပါတယ်။ အဲဒီတော့ ကျွန်တော့တို့အနေနဲ့ မီးသတ်ဖို့ မီးငြိမ်းဖို့ ဆိုရင် အပေါ်က Triangle ထဲက တခုခုကို ဖယ်ထုတ်နိုင်ရပါလိမ့်မယ်။ 

Fire Protection System (မီးဘေးကာကွယ်ရေးစနစ်) မှာ အဓိကအားဖြင့် System အမျိုးအစား (၂) မျိုးခွဲခြားထားပြီး သူ့အောက်မှာတော့ သက်ဆိုက်ရာ Sub-System (၉) မျိုးထိ အောက် ဖော်ပြပါ အတိုင်း ခွဲခြမ်းစိတ်ဖြာနိုင်ပါတယ်။

1. Active Fire Protection System 

i. Automatic Fire Sprinkler System 

ii. Rising Mains (Dry / Wet Risers) System 

iii. Fire Hydrant System 

iv. Fire Hosereel system 

v. Fire Suppression Systems 

vi. Potable Fire Extinguishers

vii. Engineering Smoke Control System  

 

2. Passive Fire Protection System

i. Electrical Fire Alarm System 

ii. Emergency Voice Communication System (One / Two Way) 

(ခြွင်းချက်အနေနှင့်  Active Fire Protection System က No. vii ကို တစ်ခါတစ်လေ ACMV Contractor တွေကို ပေးလေ့ရှိပြီး Passive Fire Protection System အောက်က No. ii ကို တော့ Electrical အောက်မှာထားပြီး Electrical Contractor ကို ပေးတပ်ဆင်စေလေ့ရှိပါတယ်။) 

Active Fire Protection system ကတော့ မီးလောင်ခဲ့ရင် တိုက်ရိုက်မီးငြိမ်းသတ်နိုင်တဲ့ systems တွေကို ခေါ်ဆိုတာဖြစ်ပြီး Passive Fire Protection system ကတော့ မီးကိုတိုက်ရိုက် မငြိမ်းသတ်နိုင်ပဲ မီးငြိမ်းသတ်မည့်သူ၊ မီးသတ်သမားတွေအတွက် အချက်အလက် အထောက်အကူပြုပေးတဲ့ System တွေကိုဆိုလိုပါတယ်။ (ဥပမာအားဖြင့်. မီးသတ်သမားတွေ အတွက် ဘယ်နေရာ ဘယ် zone ဘယ်အပိုင်းမှာမီးလောင်နေတယ် ဆိုတဲ့ အချက်အလက် (information) ကိုပြပေးတာကိုဆိုလိုပါသည်။) 

 M&E ဆိုတာဘာလဲ?

M&E ဆိုတာ Mechanical and Electrical ရဲ့အတိုကောက်ပါပဲ။ 

Construction နှင့် Engineering Fields မှာ အလုပ်ကိုင်နေသူအတွက်အထူးတလည်ပြောစရာမလိုပေမယ့် အခုမှကျောင်းပြီးမည့်သူများနှင့် လုပ်ငန်းခွင်၀င်ဖို့ ကြိုတင်ပြင်ဆင်နေသူများအတွက်သေချာ ရေးသားမျှ၀ေပေးလိုက်ပါတယ်။  M&E ဆိုတာ ဆောက်လုပ်ရေး (Construction) လုပ်ငန်းများ၊ အဆောက်အဦးများ၊ ဆေးရုံအလုပ်ရုံများ ကစပြီး  သင်္ဘော ကြီးများ အထိအတွင်းပိုင်းမှာထည့်သွင်းအသုံးပြုရတဲ့ System (သို့) Equipment လို့အကြမ်းဖျင်းပြောလို့ရပါတယ်။  M&E နယ်ပါယ်က ကျယ်ပြန့်လို့ ကျွန်တော့အနေနဲ့ Buildings နဲ့ Construction အောက်က အကြောင်းအရာတွေကိုပဲဦးစားပေးရေးသွားမှာဖြစ်လို့ Marine ပိုင်းကတချို့services တွေပါမှာမဟုတ်ကြောင်းလဲ ကြိုတင်စကားပလင်ခံထားပါရစေ။ M&E ရဲ့အခန်းကဏ္ဍ အရေးအရေးပါမှုတွေအကြောင်း မပြောခင် M&E System မှာပါတဲ့ Services လေးတွေဦးစွာမိတ်ဆက်ပေးပါမယ်။ ဒါမှလဲ လူနေမှုအဆင့်အတန်း သို့ လုံခြုံမှု နဲ့ သက်တောင့်သက်သာဖြစ်မှုတို့အတွက် M&E ရဲ့ပါ၀င်ပတ်သက်မှုကို ကွက်ကွက်ကွင်းကွင်း မြင်နိုင်တွေးနိုင်မှာဖြစ်ပါတယ်။  

အပေါ်မှာပြောခဲ့သလို့ ပဲ M&E ကို Mechanical and Electrical ရယ်လို့ အဓိက ၂ ပိုင်းခွဲပါတယ်။ ဒါပေမယ့် တချို့နိုင်ငံ၊ company တွေမှာတော့ MEP လို့သုံးကောင်းသုံးနိုင်ပါတယ်။ သူ့ရဲ့ အဓိပ္ပါယ်ကတော့ Mechanical, Electrical and Plumbing (MEP) ပါပဲ။ တကယ်တော့ အသုံးအနှုန်းနဲ့ အခန်းကဏ္ဍခေါင်းစဥ်ပဲကွဲပြားသွားတာဖြစ်ပြီး သူတို့အောက်မှာရှိတဲ့ Services/Systems တွေကတော့ အတူတူပဲလို့မှတ်ယူနိုင်ပါတယ်။ ကဲM&E အကြောင်းဆက်ကြစို့ …. 

Mechanical System ရဲ့အောက်မှာတော့  

1. Air-conditioning and Mechanical Ventilation (ACMV) / Heating, Ventilation, and Air Conditioning (HVAC) 

2. Plumbing & Sanitary (P&S), Gas and Swimming Pool 

3. Fire Protection (FP)  

4. Industrial Utilities 

5. Vertical Transportation Systems 

6. Building Management System (BMS) / Building Automation Systems (BAS) 

7. Other Auxiliary Systems 

အမှတ်စဥ် 5 နဲ့ 6 ကို Building Operation Systems လို့သတ်မှတ်သူတွေရှိပေမယ့် ကျွန်တော်ကတော့ ပိုကျစ်လစ်ပြီး M&E အောက်၀င်နေစေဖို့ Mechanical အောက်မှာပဲထည့်ပြောလိုက်ပါတယ်။ 

Electrical Systems အောက်မှာတော့ 

1. Power 

2. Lighting 

3. Lightning Protection  

4. Network, Communication and Security Systems (or) Extra Low Voltage Systems (ELV)  တိုဖြစ်ကြပါတယ်။ 

ဒီလောက်ဆို M&E System အောက်မှာ ဘာ services တွေရှိပြီး လူနေမှုအဆင့်အတန်း သို့ လုံခြုံမှု နဲ့ သက်တောင့်သက်သာဖြစ်မှုတို့အတွက် M&E Systems ရဲ့ပါ၀င်ပတ်သက်မှုကို ကွက်ကွက်ကွင်းကွင်း မြင်နိုင်တွေးနိုင်လောက်ပြီထင်ပါတယ်။ ကျွန်တော်တို့နေထိုင်ရာအိမ် အလုပ်ရုံဆေးရုံတွေမှာ M&E System သာမရှိခဲ့ရင် ကျွန်တော်တို့ဘယ်လိုပုံစံမျိုးဖြစ်နေကြမလဲ ဆက်တွေးကြည့်ကြစေချင်ပါတယ်။  နောက် post တွေမှာ  အထက်ဖော်ပြပါ services တွေကို အသေးစိတ်ဆက်လက်ရေးသားမျှ၀ေသွားမှာမို့ အားပေးကြပါဦးလို့ပြောရင်း နှုတ်ဆက်ပါတယ်ဗျာ..။  

ပဥ္စဂုဏံအဟံ ဝန္ဒာမိ - အနေန္တာအနန္တ(၅)ပါး ဦးထိပ်ထားလျှက်

 

What are the differences between BIM and Revit? (BIM နှင့် Revit အကြား ဘာကွာခြားလဲ?)

 ယနေ့ Engineer ကျောင်းဆင်းတွေ၊ လက်ရှိ Construction လောကထဲ၀င်မည့် သူတွေအနေနှင့် BIM နှင့် Revit တို့ကို အကြိမ်များစွာ ကြားဖူးနေမည်လို့ထင်ပါတယ်။ အဲဒီစကားလုံးနှစ်လုံးကို အမြဲတွဲပြီးကြားနေရလို့  တချို့သူတွေအနေနဲ့  BIM ဆိုတာ Revit ကို ပြောတာလိုလို၊ Revit ကပဲ BIM လိုလို တွေးထင်နေတာတွေ့နေ၊ ကြားနေရပါတယ်။ ဒါကြောင့်ပဲ ဒီ Post လေးနဲ့ BIM နှင့် Revit အကြား အခြေခံကွာခြားချက်ကို နားလည်လွယ်မည့် စကားလုံးတွေနှင့်မျှဝေခြင်းဖြစ်ပါသည်။ အခြေခံသဘောတရားတွေပဲရေးထားတာဖြစ်တဲ့အတွက် ဆရာ့ ဆရာကြီးများအနေနှင့်တော့ ကိုယ့်ရဲ့မျိုးဆက်သစ် လူငယ်၊ အခုမှ စမယ့် မျိုးဆက်သစ်လူငယ်တွေ ကို မျှ၀ေပေးတာလို့  မှတ်ယူပေးစေလိုပါတယ်။

BIM ဆိုတာ 3D အဆောက်အဦပုံစံများကိုဖန်တီးကာ ညှိနှိုင်းဆောင်ရွက်မှူ (Coordinate) လုပ်နိုင်ပီး တခြားသော လုပ်ငန်းဆောင်တာတွေကိုပါ လိုအပ်သလို လုပ်ဆောင်သည့် လုပ်ငန်းစဉ်(process) သို့ နည်းစနစ် (Methodology) သို့ နည်းပညာ (Technology)တစ်ခုပဲဖြစ်ပါတယ်။  

မှတ်ချက်။ ဒီကနေစပြီး BIM ကို လုပ်ငန်းစဉ်(process) တစ်အနေနဲ့ပဲ မှတ်ရလွယ်အောင် ရေးသားပါတော့မည်။

Revit ဆိုတာ BIM (Process) အတွက် Architectural ၊ MEP-(Mechanical, Electrical, Plumbing) and Structural နှင့် 3D ဒစ်ဂျစ်တယ် BIM မော်ဒယ် များကို ဖန်တီးရန်အတွက် ကမ္ဘာတစ်ဝှမ်းတွင် တွင်ကျယ်စွာအသုံးပြုနေသည့် ဆော့ဖ်ဝဲလ်အပလီကေးရှင်း (software applications)တစ်ခုပဲဖြစ်ပါတယ်။ ရှင်းရှင်းပြောရရင်တော့ Revit ဆိုတာ BIM (Process) အောက်မှာရှိတဲ့ ဆော့ဖ်ဝဲလ်အပလီကေးရှင်း (software applications) များစွာထဲမှ တစ်ခုမျှသာဖြစ်ပါသည်။ Revit သည် BIM (Process) အောက်တွင် ရှိနေသော အဓိက အက်ပလီကေးရှင်း (Application) ဖြစ်သော်လည်း Revit ဖြင့်မလုပ်ဆောင်နိုင်သော (သို့) မထိရောက်သော အချို့သောလုပ်ဆောင်ချက်များကို လုပ်ဆောင်ရန် အခြားသော အပလီကေးရှင်းများရှိပါသေးသည်။  ဥပမာအားဖြင့်တော့ - Revit ကိုသုံးပြီး ကီလိုမီတာ များစွာ ရှိပြီး အရမ်းကိုရှည်လျားတဲ့ ရထားသံလမ်းအတွက် Underground Tunnel လိုမျိုး 3D Model ဆွဲလို့ အဆင်မပြေပါဘူး။ ဒါကြောင့် မဖြစ်မနေ တခြား software application နဲ့ ဆွဲရမှာပါ။  Google SketchUp, ArchiCAD, Civil 3D, AECOsim စသည့်တို့ကလဲ Revit နည်းတူ အသုံးပြုနိုင်တဲ့ BIM (Process) အောက်မှာရှိတဲ့ ဆော့ဖ်ဝဲလ်အပလီကေးရှင်း (software applications) တွေပဲ ဖြစ်ပါသည်။  

 အနှစ်ချုပ်ကတော့   BIM  = Process / Methodology / Technology

                              Revit = Software application/ tools

BIM နှင့် Revit နှင့်ပတ်သက်ပြီး စိတ်ထဲဖြစ်ပေါ်နေတဲ့သံသယများ နဲ့ BIM နှင့် Revit တို့ကိုတူညီသည်ဟုယူဆချက်များအတွက် ဖြေရှင်းလင်းနိုင်ခဲ့ပြီးပြီလို့ထင်ပါတယ်

နောက်ထပ် BIM နဲ့ပါတ်သတ်ပြီး ကောင်းနိုးရာရာများထပ်တင်သွားဖို့ ကြိုးစားသွားပါမယ်

 

ပဥ္စဂုဏံအဟံ ဝန္ဒာမိ - အနေန္တာအနန္တ(၅)ပါး ဦးထိပ်ထားလျှက် 

 

 Singapore BIM Guide - Version 2

BIM ကိုလေ့လာနေသူများအတွက် စင်ကာပူမှာပြဌာန်းထားတဲ့  BIM Guide ကိုမျှ၀ေပေးလိုက်ပါတယ်။

စင်ကာပူအစိုးရ ရဲ့ corenet wegsite က အခမဲ့ မျှ၀ေပေးထားပါတယ်။

အောက်မှာ အလွယ်တကူ  download ယူနိုင်ပါတယ်

Download Link >>>

ပဥ္စဂုဏံအဟံ ဝန္ဒာမိ - အနေန္တာအနန္တ(၅)ပါး ဦးထိပ်ထားလျှက်

 Benefits of using Building Information Modeling (BIM)

BIM အသုံးပြုခြင်းကြောင့် ရရှိ နိုင်မည့် အကျိုးကျေးဇူးများစွာထဲမှ သိသာမြင်သာတဲ့ အချက် (၆) ချက်။(တခြား benefits တွေလဲရှိ ပါသေးတယ်. But It depend on project and organization)

 ၁။ ဆက်သွယ်ရေး (Communication) နှင့်ပူးပေါင်းဆောင်ရွက်မှု (Teamwork) တိုးတက်လာခြင်း။

ပုံမှန် Traditional Projects များထက်စာလျှင် BIM projects များမှာ Communication နှင့် Teamwork ပိုင်းသိသိသာသာ အဆင်ပြေချောမွေ့ တာကို သိသာစွာမြင်တွေ့ နိုင်ပါတယ်။ Autodesk BIM 360 ကဲ့သို့သော cloud-based project fields များမှလဲ BIM Members များကို Communication နဲ့ Teamwork အတွက်လွန်စွာမှ အထောက်အကူပြုပေးပါတယ်။ Autodesk BIM 360 အပြင် တခြား cloud-based software တွေများစွာရှိပါသေးတယ်။ BIM မှာ သုံးတဲ့ Autodesk BIM 360 ကဲသို့သော software များဟာ BIM Members တွေအတွက် အချိန် နေရာ မရွေး Mobile ဖုန်း အသုံးပြုပြီး ၀င်ရောက် နိုင်ပါသေးတယ်။ 

၂. BIM Model အပေါ် အခြေခံ၍ Cost ကို အကဲဖြတ်နိုင်ခြင်း။

BIM Model ကိုအခြေခံပြီး ဆောက်လုပ်ရေးကုန်ကျစရိတ်ကို လွယ်ကူချောမွေ့ စွာထုတ်ယူနိုင်ပါတယ်။(5D BIM ဟုလည်းခေါ်ပါသည် - နောက်အခန်းများမှာ ထပ်မံဖော်ပြပါမည်) ကုန်ကျစရိတ်ကို BIM 360 Docs, Cost X ကဲသို့သော Software များကို အသုံးပြုပြီး အလွယ်တကူ အလိုအလျောက် ထုတ်ယူနိုင်ပါတယ်။

၃။ Changes များကို အလွယ်တကူ Monitor လုပ်နိုင်ခြင်း။

Project တိုင်းမှာ အနည်း နှင့် အများဆိုသလို changes တွေ modifications တွေရှိပါတယ်။ BIM ကိုသုံးခြင်းအားဖြင့် changes တွေကို လွယ်ကူစွာ monitor လုပ်နိုင်ပြီး၊ အရင်အစောပိုင်း design ကိုလဲလွယ်ကူလျင်မြန်စွာ ပြန်လည်သွားရောက် နိုင်သလို လျှင်မြန်စွာလဲ Compare လုပ်နိုင်ပါသေးတယ်။

 ၄။ စီမံကိန်း (Planning)အဆင့်တွင် visualization လုပ်နိုင်ခြင်း။

BIM tools တွေနဲ့ တိကျတဲ့ စီမံကိန်းရေးဆွဲခြင်းနှင့် visulization တွေကို ဆောက်လုပ်ရေးမစခင် (preconstruction stage) မှာ ပင်ပြုလုပ်နိုင်သည်။ အဲ့ဒါကပဲ အချိန်ကုန်ခြင်း နှင့် ကုန်ကျစရိတ်များတဲ့ modification works တွေရဲ့ အန္တရာယ်ကိုလျော့နည်းစေနိုင်ပါသည်။  

 ၅။ ထိရောက်သော Clash Detection နှင့် ပူပေါင်းဆောင်ရွက်ခြင်း(Collaboration)။

BIM Process သည် Contractors, Consultants, Architect, Structure နှင့် တခြားသော Team Members ကြား ထိရောက်တဲ့ Clash Detection နှင့် Coordination တွေပြုလုပ်နိုင်ပါတယ်။ Autodesk BIM 360 Glue ကဲ့သို့ software များအသုံးပြုခြင်းအားဖြင့်အလိုအလျောက် clash detection တွေစောလျင်စွာ ပြုလုပ်နိုင်ပါသေးတယ်။ ဤသည်ကပဲ ပြန်လည်ပြုပြင်ရခြင်း သို့မဟုတ် ပြန်လည်တည်ဆောက်ခြင်းအရေအတွက် နဲ့ Last-minute ပြင်ဆင်ရမှု များကိုပါ တားဆီးပေးနိုင်ပါတယ်။

၆။ အသုံးစရိတ်လျှော့ချခြင်း။

BIM၏အားသာချက်ကိုအသုံးပြုခြင်းဖြင့်ငွေအမြောက်အမြားကိုနည်းအမျိုးမျိုးဖြင့်စုဆောင်းနိုင်သည်။ Preconstruction stage အဆင့်တွင် project ကို ကောင်းမွန်စွာ Review ခြင်းကြောင့် မပြုရသေးသောစွန့်ပစ်ပစ္စည်းအရေအတွက်ကိုကန့်သတ်ထားနိုင်ပါတယ်။ စာရွက်စာတမ်းများနှင့်အပြန်အလှန်ဆက်သွယ်မှုများတွင်ထည့်သွင်းထားရသောအလုပ်သမားကုန်ကျစရိတ်များကိုလျှော့ချနိုင်သည်။

ပဥ္စဂုဏံအဟံ ဝန္ဒာမိ - အနေန္တာအနန္တ(၅)ပါး ဦးထိပ်ထားလျှက် 

 What/Why is BIM?

BIM ဆိုတာ Building Information Modeling အတွက်အတိုကောက်ဖြစ်ပါသည်။ ၎င်းဟာ 3D မော်ဒယ်တစ်ခုအတွင်း အဆောက်အဦး တစ်ခုအားစီမံကိန်းရေးဆွဲခြင်း (planning)၊ ဒီဇိုင်းဆွဲခြင်း (Design) နှင့်တည်ဆောက်ခြင်း (Construction) တို့တွင်ပါ၀င်ပတ်သက်သူများနှင့် AEC(ဗိသုကာ၊ အင်ဂျင်နီယာ နှင့် ဆောက်လုပ်ရေး) ပညာရှင်များ ပူးပေါင်းဆောင်ရွက်ခြင်းလုပ်ငန်းစဉ် (Process) ပဲဖြစ်ပါသည်။  BIM process သည် ဗိသုကာပညာရှင်များ၊ ကန်ထရိုက်တာများ၊ စီမံကိန်းပိုင်ရှင်များနှင့်အခြားပါ ၀င်ပတ်သက်သောအဖွဲ့အစည်းများအား အပြီးသတ်စီမံကိန်းမည်သို့ဖြစ်မည်ကို မြင်ယောင် အောင်ပြသ နိုင်သော 3D building models တည်ဆောက်မှုများ နှင့်ဆက်စပ်မှုရှိသည်။ Actual Modelတစ်ခု နှင့်ဆွေးနွေး ခြင်း ကြည့်ရှု ခြင်း ကြောင့် ပါ၀င်သူ အဖွဲ့ အစည်း များအားလုံးသည်ဖြစ်နိုင်ချေရှိသောissuesများကိုထောက်ပြပြီး အဆောက်အဦး မ ဆောက်မီတွင်ပင်ဖြေရှင်းနိုင်သည်။ ဤသည်ကအကုန်အကျများသောစီမံကိန်းနှောင့်နှေးခြင်းနှင့် ပြန်လည်ပြင်ဆင်တည်ဆောက်ရခြင်းများကိုရှောင်ရှားရန်ကူညီနိုင်သည်။

ဤနေရာတွင်သတိပြုစရာက BIM သည် Software တစ်ခု ကို ရည်ညွှန်းခြင်း မဟုတ်ပါ။ ပါ၀င်ပါတ်သတ်သူများအားလုံး ၀ိုင်း၀န်းလုပ် ဆောင်ကြတဲ့ Process တစ်ပဲဖြစ်ပါတယ်။

                                        Photo Source: Google.com
                                       

ပဥ္စဂုဏံအဟံ ဝန္ဒာမိ - အနေန္တာအနန္တ(၅)ပါး ဦးထိပ်ထားလျှက်